AGUA ES

 O noso "Coro das emocións", formado polo alumnado de 5º e 6º, canta a canción "Agua es" participando no programa educativo "Somos Creativos".

VISITA Á GALIÑA AZUL

Como xa é tradición no Ceip Manuel Sieiro de Crecente, co remate do 1º trimestre poñemos en marcha a Seman Cultural; uns días cheos de actividades culturais, que nos permiten amosar a xenialidade e creatividade dos nosos nenos e nenas. Contacontos, música en directo, obradoiros de cociña,... e moitas actividades máis. 

Comezamos este xoves 14 de decembro coa visita aos máis pequerrechos do pobo na Galiña Azul; onde contamos o conto estrela deste ano, "Corre, corre cabaciña"; e ofrecimos un pequeno concerto cos temas que estamos a mover neste curso 2017-2018.

Mañá toca a Bibliofesta, polo que se vos apetece participar nesta Semana Cultural, xa sabedes onde estamos. 

AULA I9 BAND - GALICIA

A Aula i9 Band vennos a presentar o seu último single, Galicia; 

un tema grabado nos nosos estudios polos rapaces e rapazas de 5º e 6º de Primaria; 

e que contou coa colaboración mas voces de H de Lemos, 

cantante do coñecido grupo ourensán MAT.  

A canción elexida é unha versión do famoso tema de Suso Vaamonde, 

no que se ensalzan as virtudes da nosa terra galega.

Aquí vola presentamos en dous formatos: en mp3 e en vídeo 

coas mellores imaxes da Aula i9 Band neste curso 2016-2017

GALICIA.mp3

Esperamos que a disfrutedes!!!

DOCUMENTAIS AULA I9 - A EVOLUCIÓN DA HUMANIDADE

Ahí vos queda este proyecto de historia e comunicación audiovisual que realizamos no cole de Crecente; e no que fajemos un pequeño repaso á evolución do ser humano.

Este proxecto comezou no curso 2015-2016 como unha boa maneira de achegar ao noso alumnado á historia; ao tempo que nos permitiu empregar e dinamizar a nosa biblioteca escolar como un espazo de creación e elaboración de materiais didácticos audiovisuais; tarefa na que xa levamos embarcados uns cinco ou seis anos.

Ademais esta serie de documentais pasarán a formar parte do noso fondo audiovisual no que xa contamos con outras reportaxes como a serie adicada ao Universo e Sistema Solar; ou os documentais que temos sobre as diferentes clases de vertebrados e invertebrados; e que podedes ver na sección "Un chisco de ciencia".

RadioSieiro - 1º Programa

Presentamos a última creación de Os Ollos do Minho Producións, un programa de radio grabado e realizado polos rapaces e rapazas do cole de Crecente.

Neste primeiro capítulo, presentado maxistralmente polos nenos e nenas de 6º de Primaria, facemos un pequenos repaso a diferentes temas relacionados co medioambiente, a cultura, literatura e arte.

 Na primeira parte, os alumnos de 6º falaránnos da importancia que ten a auga no noso planeta; e como podemos conservala. Seguiremos co "Clube de Lectura da Aula i9" no que os rapaces e rapazas de 5º recomendarán unha serie  de libros e cómics entretidos para ocupar o noso tempo de lecer. 

Esta primeira parte rematará con música do noso repertorio.

Na segunda parte, os rapaces de 4º presentarán a sección "Unha poesía para cada día" na que os oiremos recitar fragmentos de dous dos grandes xenios da poesía: Rosalía de Castro e Federico García Lorca. Seguidamente os nenos e nenas de 3º ofrecerannos un misterio cultural, "A persoaxe segreda", no que tremos que adiviñar, gracias a unha serie de pistas, de que artista están a falar. Remataremos este primeiro programa con máis música, tamén do repertorio da Aula i9.

Aquí vos quedan os enlaces para poder escoitar cada parte. Prometemos voltar a subilos acompañados dun pase de diapositivas coas mellores imaxes que nos deixou a grabación.

Esperamos que vos gusten!!!!

RadioSieiro 1 - 1ª Parte

RadioSieiro 1 - 2ª Parte

Comezamos coa RadioSieiro!!!

Unha das novidades que nos ofrece Os Ollos do Minho Producións este curso é a creación dunha  radio online, RadioSieiro; un proxecto que pretende mellorar as habilidades lingüisticas dos nosos rapaces e rapazas; e achegalos a un dos medios de comunicación máis importantes e respetados da historia.

Esta semana comezamos a grabación do primeiro programa na biblioteca escolar, que foi dirixido polos alumnos e alumnas de 6º de primaria.

 Aquí vos deixamos alguns dos mellores momentos que nos está a deixar esta experiencia.

Festival pola Gorra - Aula i9 Band

Aquí vos deixamos máis vídeos do I Festival pola Gorra do cole de Crecente, celebrado o 9 de maio de 2015.

Nesta ocasión, disfrutade cos nenos e nenas da Aula i9 Band.

Festival Pola Gorra - Menage a Trois & Aula i9

Xa están aquí os vídeos da actuación dos nosos rapaces e rapazas da Aula i9 Band co grupo Menage a Trois.
Un tema,"Bei Mir Swing" cargado de enerxía que amoscan a arte que se respira no noso cole.

Disfrutade e non deixedes de seguir a esta gran banda, Menage a Trois!!!!

I FESTIVAL "POLA GORRA"

O próximo 9 de maio estades invitados todos e todas ao I Festival "Pola Gorra"; unha iniciativa do EDLG; destinada,  neste caso, a recaudar fondos para a excursión que os nosos nenos e nenas de 6º de Primaria realizarán a Madrid a final de curso.

As Ondas do Miño 8 - Mestra de Mestras

Xa tedes dispoñible o novo programa de As Ondas do Miño, adicado ao Día Internacional da Muller.
Un traballo realizado polos alumnos e alumnas de 6º de Primaria baixo a coordinación do Equipo de Dinamización da Lingua Galega.

Podedes acceder a través da "pestana" de As Ondas do Miño ou a través do seguinte enlace:

http://ondasdominho.blogspot.com.es/2015/04/ondas-do-mino-8-especial-dia.html 

INAUGURACIÓN SALÓN DE ACTOS

O pasado 18 de marzo de 2015 quedou oficialmente inaugurado o noso novo escenario, un proxecto  que levábamos moito tempo perseguindo e que hoxe é unha realidade gracias ao excelente traballo de toda a comunidade escolar, e sobretodo da ANPA, que adicou moitas horas e esforzo para que os nosos nenos e nenas disfruten dun salón de actos que realmente merecen.

Disfrutade cos vídeos do acto de inauguración, ao que asistiron, entre outros, o Excelentísimo Director Xeral de Centros, D. Jose Manuel Pinal, ao que agradecemos toda a axuda prestada así como a súa presencia nese día tan especial para o cole de Crecente.

Ondas do Miño cap. 7 (2014-2015)

Aquí vos deixamos o último capítulo do noso proxecto de innovación educativa e galego , As Ondas do Miño, un programa audiovisual, en formato televisivo, presentado e realizado polos nenos e nenas do CEIP Plurilingüe Manuel Sieiro de Crecente (Pontevedra)

Disfrutade coas novas, reportaxes e demás seccións que enchen as catro partes en que tivemos que dividir o capítulo, debido á súa gran duración, pois son máis de 20 mínutos de programa.

Se queredes saber máis deste proxecto, podedes acceder ao blogue de As Ondas do Miño, a través da pestana correspondente.

Un saúdo e a pasalo ben!!!

CRECENTE EN LETRA 1

Xa está aquí a última creación do Equipo de Dinamización da Lingua Galega: un xornal escolar no que vos iremos contando as novidades e acontecementos do cole.
O ano pasado xa experimentamos con formatos audiovisuais; e este curso tentaremos facer o mesmo, pero empregando outro dos medios de comunicación de masas máis consumidos nos últimos séculos, o xornal.

Mes a mes, se é posible, achegarémosvos un novo número de Crecente en Letra, ao que poderedes acceder e descargar facendo click no enlace. Ademais, imprimiremos unha serie de exemplares que quedarán no cole (Biblioteca, "Recuncho de Saltón", sala de mestres...) á disposición de toda a comunidade escolar

Agardamos que vos guste esta iniciativa, e esperamos poder contar con máis voluntarios; e poder ofrecer, así, máis contidos no próximo número.

CRECENTE EN LETRA Nº1

As Ondas do Miño

Cuarto capítulo do noso programa informativo "As Ondas do Miño". Nesta ocasión ofrecemos un especial co último proxecto da Aula i9, Mestres de Mestres, unha serie de documentais sobre a vida e obras de grandes xenios da Historia.
E na sección pequenos cativos, poderedes ver aos nosos meniños coas mans na masa.

Por outra banda, gustaríanos anunciar que este proxecto do Equipo de Dinamización da Lingua Galega, xa ten o seu propio blogue, no que colgaremos os capítulos e as diversas seccións; para que non vos perdades nada!!!

Podedes acceder dende este link:

http://ondasdominho.blogspot.com.es/

Disfrutade co especial "Mestre de Mestres"

Entroido 2014

Ahí vos quedan os vídeos-reportaxes sobre un dos mellores entroidos que celebramos no cole de Crecente.

Música, xogos, mascaras, moitos disfraces e un gran desfile para rematar a xornada.

E é que este ano todos (nais, pais, mestres, etc) traballamos moito para que esta festa fora inesquecible.

E abofé que así foi.

Moitas grazas a todas as familias que nos apoiades e axudades, proxecto tras proxecto. Sen a vosa colaboración, nada desto sería posible.

DÍA DA PAZ

Foron moitas as actividades que realizamos polo Día da Paz no cole de Crecente: contos, cancións, poemas, cine,...

Esperamos que estes vídeos resuman todo o que deu esa semana; e atentos á curtametraxe, "Falemos de Paz"

Folk in Crecente - Aula i9 & Mel de Meiga

O pasado mércores 18 de decembro, no cole de Crecente tivemos unha cita moi especial; pois celebramos o noso primeiro festival musical, "Folk in Crecente".
 nesta ocasión os rapaces e rapazas da Aula i9 ofreceron un concerto cos temas que forman parte do noso último disco; e que podedes escoitar a través dos seguintes enlaces.

-Rompeu a Chiculatera

-A Rianxeira

-Brazos pra Seitura (colab. Nadia Fonseca)

-"Crecente Style"

Ademáis contamos cuns invitados de excepción: Nadia Fonseca e Kakus Campos, do grupo galego Mel de Meiga. Ambos músicos aproveitaron para presentar en acústico temas do seu último disco, que leva o nome de Crecente. Ademáis, despois do concerto, responderon ás preguntas dos nosos xornalistas nunha pequena entrevista que poderedes ver no 3º programa do noso informativo, "As Ondas do Miño".


Disfrutade coa música!!!

AS ONDAS DO MIÑO - 2º PROGRAMA - NOVEMBRO

Aquí vos queda a segunda entrega de "As Ondas do Miño", o  programa-informativo audiovisual que realizamos no cole de Crecente.

Nesta ocasión os nenos e nenas do 2º e 3º ciclos de Primaria fan un repaso das novidades deste mes de Novembro, coa reportaxe do Magosto como actividade estrela.

Pero ademáis faremos un resumo do máis significativo do mes; presentaremos unha nova sección, "O Mundo en Cómic", adicada ao creador de Mortadelo e Filemón, Francisco Ibañez; e poderemos ver as actividades de outono dos nosos nenos e nenas de Infantil, na sección "Eses Pequenos Cativos"

Todo esto e moito máis en... "As Ondas do Miño"

AS ONDAS DO MIÑO

Este é o nome do último proxecto de Os Ollos do Minho Producións; un programa-informativo en formato televisivo; no que repasaremos as principais actividades e acontecementos que se suceden no cole de Crecente.

Esta iniciativa, que parte do Equipo de Dinamización da Lingua Galega (EDLG); propón que os nosos nenos e nenas asuman o rol de xornalistas, reporteiros, guionistas, etc; para dar forma a un programa no que, ademáis, teremos reportaxes, entrevistas, publicidade educativa;...; así como diversas seccións nas que poderemos aprender moitas cousas relacionadas co mundo das artes, da ciencia, da lingua e literatura, etc.

Por suposto, este é un proxecto dirixido a todos os alumnos e alumnas do cole, independientemente da súa idade; todos poden participar e sentirse parte deste traballo colectivo.

Xa o ano pasado tivemos un primer intento, "O Clube de Lectura"; que tivo gran éxito. Este curso pretendemos dar continuidade a ese traballo e poder ofrecer un programa mensual.

Nesta ocasión, o primeiro capítulo fai unha recopilación do acontecido no mes de outubro, incluindo unha reportaxe sobre a festa do Samaween; así como outras sección elaboradas nese mes, como a Festa do Vemello, na clase de 3 anos.


Disfrutade co programa!!!!

XA ESTAMOS DE VOLTA!!!!

"Os Ollos do Minho Producións" e a Aula i9  voltan á carga, neste curso 2013-2014, cos proxectos e seccións que xa son todo un clásico, como "Un Chisco de Ciencia", cos nosos documentais e experimentos; ou "O Clube de Lectura".

Ademáis temos pensado recuperar outras seccións que tiñamos un pouco esquencidas, como as "Clases Online", nas que os nosos nenos e nenas serán os mestres; e nos transmitirán moitos coñecementos de todo tipo

E, por suposto, seguimos innovando. Así este curso oblogue contará con novas seccións, como "As Ondas do Miño", un programa informativo no que iremos contando, ao noso xeito, todas as novas e actividades que vaiamos organizando no Ceip Manuel Sieiro.

E para rematar, non esquenzades que, agora, podedes consultar a información relacionada co comedor escolar, na súa pestana correspondente.

E nada máis polo de agora.

Un saúdo e benvidos a 
                    "Os Ollos do Miño Producións".