CAMPEONATO ESCOLAR DE BÁDMINTON

O pasado xoves 10 de marzo celebrouse no polideportivo de Crecente o Campeonato Escolar de Bádminton, organizado polo Clube Bádminton Ponteareas e coa colaboración da ANPA do Ceip Plurilingüe Manuel Sieiro, do Concello de Crecente, do Servicio Provincial de Deportes e da Asociación Deportiva Escolar do Condado e A Paradanta.

Mil grazas a todos os nenos, nenas , nais e pais que asistiron. Esperamos que disfrutaran igual que os nosos rapaces.

Patinaxe artística en Tui

Os nosos rapaces e rapazas do equipo de patinaxe do Cole de Crecente, participaron nunha exhibición de patinaxe na vila de Tui; na que amosaron que no Manuel Sieiro andamos tamén a "oito rodas"

Noraboa rapazada!!!!!

Deporte Escolar IV

O 14 de Marzo recibimos a outro cole máis, na "IV Xuntanza do Deporte Escolar", na que os rapaces e rapazas de 2º e 3º ciclo de ámbolos dous centros tiveron a oportunidades de practicar deportes tan coñecidos como fútbol, baloncesto e balonmán.
Comezaron os máis pequenos cunha serie de "pachangas"nas que fumos testemuñas dunha gran deportividade por ambas partes. 
A continuación tocoulles aos maiores, que se esforzaron moito para amosar que nesta comarca temos unha gran calidade. Non sería raro ver nun futuro a algún destes rapaces xogar na liga BBVA; ou na ACB; ou na liga ASOBAL. 
E se non, non pasa nada, pois o obxectivo principal deste tipo de xuntanzas é "aprender a disfrutar e vivir o deporte"




Ahí vos quedan os vídeos dos dous ciclos e un pase de diapositivas coas mellores imaxes do encontro.

DEPORTE ESCOLAR III - DESTA VOLTA XOGAMOS NA CASA

 E é que o pasado martes 14 de Febreiro, tivo lugar a terceira xuntanza polo Deporte Escolar, que desta vez, organizamos nós no noso centro, da man do noso querido profe de Ed. Física, Manuel.




Nesta ocasión, os compañeir@s e amig@s de Valeixe achegáronse ao Ceip Manuel Sieiro para disfrutar dunha mañá do máis deportiva. Por motivos organizativos, establecéronse dous turnos de xogo. Así comezaron @s nen@s do 2º ciclo, que durante case duas horas suaron a "camisola", nuns "partidiños" nos que se puideron ver mostras de calidade; e nos que o máis importante foi pasalo ben.





Despois foi o turno dos maiores do 3º ciclo. Para facelo aínda máis interesante e menos competitivo, en moitas ocasións misturáronse os rapaces de ambos coles, fortalecendo a colaboración e traballo en equipo. Ademáis estes nenos e nenas amosaron que na Paradanta temos unha boa canteira. 



Disfrutade cos vídeos e coa crónica da nosa colaboradora e redactora da Aula i9, Sofía Faílde, que nos achega as súas impresións sobre a xuntanza.

 "O outro día, os nenos e nenas de Valeixe achegáronse ao noso cole para participar xuntos na terceira edición do Deporte Escolar 2011/12". Todos tivemos a oportunidade, por quendas, de xogar ao fútbol sala, baloncesto e balonmán; e, por suposto, de correr, saltar, etc. Foi moi divertido, aínda que tivemos que esforzarnos moito para dar o nivel. E entrenar, pois deportes como o balonmán ou o baloncesto, son pouco practicados por estas terras, polo que, como quen din, estamos comezando case dende cero. Pero non nos vai tan mal; pouco a pouco imos aprendemos cousas importantes dos deportes de equipo como a colocación no campo, axudar e apoiar aos compañeiros, etc. 

Ao final todos rematamos moi ledos e desexando volver e aínda divertirnos moito máis, se iso é posible."

  Sofía Faílde

5º de Primaria  

DEPORTE ESCOLAR EN ARBO

O pasado xoves 26 de xaneiro, os nosos rapaces e rapazas do 2º e 3º ciclos acudiron á 2ª xuntanza do Deporte Escolar. 


Nesta ocasión desplazámonos ao Ceip Antonio Carpinteiro de Arbo, onde tivemos a ocasión de practicar tres dos deportes máis coñecidos do mundo: fútbol, baloncesto e balonmán. 



Durante toda a mañá, nenos e nenas dos dous centros disfrutaron dos partidillos organizados polos mestres de Ed. Física, que son os que realmente están implicados na organización destes eventos (calendario, xogos, etc) que tantos bos momentos nos está a deixar. 
Neste aspecto debemos dar as grazas ao noso profe Manuel, por retomar este tipo de actividades; e por ensinarnos que os verdadeiros valores do deporte: diversión, sacrificio, traballo en equipo, cooperación, responsabilidade, etc.




Que viva o deporte, e xa sabedes que "mens sana in corpore sano" !!!

Disfrutade deste pequeno video-reportaxe!!!

O BALONCESTO, QUE GRAN DEPORTE!!!

 Xa falta menos para a segunda cita co Deporte Escolar, que se celebrará no Ceip Antonio Carpinteiro de Arbo. Ese día practicaremos diversos deportes ben coñecidos como o fútbol, o baloncesto ou o balonmán.

No fútbol, a verdade, é que non temos problemas xa que é o deporte rei deste país, o que saben xogar a gran maioría dos nenos e nenas. Quen non coñece a Xavi, Iniesta o Casillas; pero se falamos de Navarro, Rudy, Calderón, Felipe Reyes ou  Ricky Rubio, a maioría non saben que nos referimos a algúns dos mellores xogadores do mundo , pero de... baloncesto.




E é que a maioría de rapaces e rapazas non coñecen este deporte, que ata a crise era o que máis cartos "movía" no mundo; e a principal atracción deportiva dos estadounidenses, xunto ao fútbol americano. 
Nese pais é o deporte rei e a súa liga, a NBA, é a mellor do mundo. E nela, destacan varios xogadores españoles como os irmáns Gasol, sobretodo Pau, que conseguiu algo que fai anos ningún soñabamos: fichar polo equipo máis famoso do planeta, Los Angeles Lakers; gañar o "Anel de Campión da NBA" con dito equipo, ao lado do gran Kobe Bryant; ser nomeado mellor xogador do mundo xunto á selección,...

E é que temos unha selección de baloncesto das mellores da historia, campiona duas veces consecutivas do Eurobasket (2009 e 2011) e , por suposto, Campiona do Mundo. Este é un palmarés que todavía non conseguiu a todopoderosa selección de fútbol, de sobra coñecida. 


Xa vedes que o "Basket" ten unha longa tradición no noso país, que neste deporte domina a nivel mundial. Aínda así as novas xeracións non conseguen "enganchar" co baloncesto, polo que segue sendo un deporte minoritario.
Nos queremos que eso cambie, que a xente comece a practicar este deporte que une elegancia, traballo en equipo, espectáculo e moi bo rollo. Pero antes de nada é imprescindible coñecer as súas reglas e  dinámica; é dicir, como se xoga!!!


E para elo, nada mellor que un vídeo. Neste caso uns rapaces ensinan os fundamentos máis básicos do "basketball". 


Ademáis nesta páxina tedes un resumo das principais regras deste deporte como as dimensións do campo, equipos, faltas máis comúns, etc

http://www.todobasketball.com/jugar-basketball/reglas-del-basketball.php


E por suposto, deixámosvos unha recua de vídeos dos mellores xogadores da historia deste deporte, comezando, como non, por dous dos máis grandes ídolos do "Basket":


-Michael Jordan, máis coñecido por "Air Jordan", é considerado o mellor xogador de todos os tempos.  Xogou case toda a súa carreira deportiva nos Chicago Bulls, levando o mítico nº 23, cos que gañou seis títulos ou "aneis da NBA". Se queredes saber máis deste superatleta, aquí tendes o enlace á wikipedia


http://es.wikipedia.org/wiki/Michael_Jordan


-Earvin "Magic" Johnson: mítico base dos "Lakers" cos que gañou cinco "aneis da NBA", levando o nº 32 á espalda. Como o seu alcume indica foi un autentico mago do balón, sobretodo das asistencias e os pases imposibles.


http://es.wikipedia.org/wiki/Magic_Johnson


E tantos outros xenios que fan deste deporte toda unha arte.


Disfrutade cos vídeos.

   

 

  

         

UN DÍA NO DEPORTE ESCOLAR

O martes 29 de Novembro ocorreu algo moi especial no Ceip Manuel Sieiro xa que os rapaces de 2º e 3º ciclos acudiron aun dos coles da Paradanta para disfrutar dunhas xornadas deportivas nas que xa facía tempo que non participábamos: o Deporte Escolar.

E non fomos os únicos invitados, pois alí tivemos a ocasión de reencontrarnos con vellos amigos e amigas de Arbo e Valeixe, e con algún outro que xa non é tan neno...

O pavillón enteiro ruxía animando aos participantes que, organizados por turnos, ían pasando polas diferentes probas físicas: relevos, cen metros,   saltos, xabarina e balón medicinal.

Unha cita inesquecible chea de deportividade e traballo en equipo, e cun único obxectivo: Pasalo ben!!!