FESTIVAL FIN DE CURSO´17 - ACTUACIÓNS

Ahí vos quedan os vídeos con todas as actuacións que se levaron a cabo no festival do pasado día 22 de xuño.

Música en directo, teatro, playbacks, e moito máis... 

Non volo perdades!!!

AULA I9 BAND - GALICIA

A Aula i9 Band vennos a presentar o seu último single, Galicia; 

un tema grabado nos nosos estudios polos rapaces e rapazas de 5º e 6º de Primaria; 

e que contou coa colaboración mas voces de H de Lemos, 

cantante do coñecido grupo ourensán MAT.  

A canción elexida é unha versión do famoso tema de Suso Vaamonde, 

no que se ensalzan as virtudes da nosa terra galega.

Aquí vola presentamos en dous formatos: en mp3 e en vídeo 

coas mellores imaxes da Aula i9 Band neste curso 2016-2017

GALICIA.mp3

Esperamos que a disfrutedes!!!

Por qué no ser amigos??

Non vos perdades a versión que fixemos deste tema dos "Hombres G" con motivo do Día da Paz.

Festival pola Gorra - Aula i9 Band

Aquí vos deixamos máis vídeos do I Festival pola Gorra do cole de Crecente, celebrado o 9 de maio de 2015.

Nesta ocasión, disfrutade cos nenos e nenas da Aula i9 Band.

Festival Pola Gorra - Menage a Trois & Aula i9

Xa están aquí os vídeos da actuación dos nosos rapaces e rapazas da Aula i9 Band co grupo Menage a Trois.
Dous temas, "Adios" e "Bei Mir Swing" cargados de enerxía que amoscan a arte que se respira no noso cole.

Disfrutade e non deixedes de seguir a esta gran banda, Menage a Trois!!!!

I FESTIVAL "POLA GORRA"

O próximo 9 de maio estades invitados todos e todas ao I Festival "Pola Gorra"; unha iniciativa do EDLG; destinada,  neste caso, a recaudar fondos para a excursión que os nosos nenos e nenas de 6º de Primaria realizarán a Madrid a final de curso.

Festival de Nadal 2013

Xa podedes disfrutar dos vídeos do Festival de Nadal do 2013!!!

Desculpade o retraso!!!!

Folk in Crecente - Aula i9 & Mel de Meiga

O pasado mércores 18 de decembro, no cole de Crecente tivemos unha cita moi especial; pois celebramos o noso primeiro festival musical, "Folk in Crecente".
 nesta ocasión os rapaces e rapazas da Aula i9 ofreceron un concerto cos temas que forman parte do noso último disco; e que podedes escoitar a través dos seguintes enlaces.

-Rompeu a Chiculatera

-A Rianxeira

-Brazos pra Seitura (colab. Nadia Fonseca)

-"Crecente Style"

Ademáis contamos cuns invitados de excepción: Nadia Fonseca e Kakus Campos, do grupo galego Mel de Meiga. Ambos músicos aproveitaron para presentar en acústico temas do seu último disco, que leva o nome de Crecente. Ademáis, despois do concerto, responderon ás preguntas dos nosos xornalistas nunha pequena entrevista que poderedes ver no 3º programa do noso informativo, "As Ondas do Miño".


Disfrutade coa música!!!

CANTA CON NÓS!!!

Este é o título que decidimos porlle ao último disco da Aula i9; e que representa o último gran proxecto da nosa productora "Os Ollos do Minho"para este curso escolar; e que vos presentamos na seguinte reportaxe.







Foron moitos meses de duro traballo dende que comezamos as grabacións, ala polo mes de Xaneiro. Elexir o repertotio, estudiar todas as melodías e despois grabalas por partes, dun en un; como calqueira grupo profesional. Aínda que os instrumentos máis complexos, como a guitarra, o baixo ou o violín, correron a cargo do mestre de música; os nosos nenos e nenas (de 1º a 6º) grabaron maxistralmente todas as frautas; os carillóns, xilófonos e metalófonos; e gran parte dos instrumentos de percusión; ademáis, por suposto, das voces e coros.





Este ano, como novidade, traballamos cun software profesional: o famoso Protools, empregado por estudios de todo o mundo. Ademáis os colaboradores do Aula i9 atrevéronse a controlar este programa, e así puideron grabar eles mesmos aos seus propios compañeiros; e adquiriron uns coñecementos e experiencias nunha profesión tan bonita como é a de técnico de son. 


Este ano contamos con dúas colaboradoras moi especiais. Por un lado está a voz de Lorena Sotelo, cantante do grupo punk-ska ourensano Maskarpone; e por outro lado, contamos coas percusións de Lorena Negreira, baterista do grupo folk Ergom; e mestra deste centro durante unhas semanas. Estas dúas artístas únense ao grupo de colaboradores da Aula i9, xunto a outras estrelas como Eva Carreras, líder do grupo folk Mel de Meiga, que colaborou no noso primeiro disco (escoitao na sección "As nosas Cancións"); ou José Rubio, considerado un dos mellores guitarristas de España, que se prestou a facer, no noso cole, unha Master Class sobre Rock. A todos eles, mil gracias.


Ademáis das seis cancións, ás que podedes acceder pinchando no enlace; tamén acompañamos a reportaxe cun pase de diapositivas no que se recollen as mellores fotos e os mellores momentos que vivimos durante as grabacións.




Esperamos que disfrutedes do resultado final.

CANTA CON NÓS!!!

1.- La vida es carnaval 


2.- A Sementeira


3.- Muiñeira ao Chou


4.- Cantade mociños


5.- O Carrapuchiño


6.- Whatever

APRENDEMOS A TOCAR O TAMBORIL CON UXÍA FARIÑA

Presentamos unha nova entrega das "Clases online da Aula i9".
Neste caso a nosa colaboradora, Uxía Fariña, ensínanos as primeiras leccións para comezar a tocar un instrumento tradicional da nosa terra: o tamboril.
Non vos perdades a soltura e naturalidade da que esperemos chegue a ser unha gran artista.

Música Mestre I

 Aquí vos vai unha nova entrega das "Clases Online" da Aula i9. Con este vídeo comeza unha serie de titoriais aos que chamamos "Música Mestre", e nos que repasaremos os conceptos máis básicos e fundamentáis deste pracer sonoro ao que chamamos Música.


A serie contará con varios vídeos, divididos por contidos (conceptos básicos, ritmo, melodía, armonía, etc), e nos que a dificultade irá aumentando progresivamente, a medida que vaiamos avanzando.

Con estos titoriais non só se pretende repasar e reforzar os contidos que aprendemos nas clases de música. Tamén queremos proporcionar coñecementos e habilidades útiles para que os nosos rapaces e rapazas poidan ser o máis autónomos posibles á hora de aprender as diferentes cancións e arranxos, e así poder abarcar con menos horas de clase, máis proxectos artísticos (grabación de disco, festivales, titoriais, etc)
Sen esquencer o elemento motivante deste tipo de actividades xa que, como puidestes ver nos primeiros "Titoriais sobre a Muiñeira de Nadal" (dispoñibles na nosa sección "Clases Online"), os nosos pequenos colaboradores e colaboradoras, dos diferentes ciclos, participan activamente na elaboración deste tipo de vídeos como intérpretes, camaras, editores, redactores, etc.

Ademáis temos pensado facer titoriais sobre outros aspectos educativos, ademáis dos músicais. Así está pendiente de elaboración unha serie sobre os instrumentos  que podemos disfrutar no noso centro, e na que poderemos ver a duas das nosas artístas, Uxia e Nerea, dar unha pequena Master Class. Tamén estamos pensando na posibilidade de facer uns documentais ou vídeos didácticos sobre aspectos máis científicos, relacionados coa área de Coñecemento do Medio. 
Así como uns  titoriais sobre algúns dos programas e software que estamos a empregar e que nos axudan a realizar todo o material e actividades que vos presentamos (Protools, IMovie, Word,...) Esta serie leva o nome de "Coa computadora, sí que mola"; e o seu primero capítulo, "Loopeando co Garage Band", xa está dispoñible na sección "Clases Online" dende a semana pasada.


Como vedes, o obxectivo desta sección é convertirse nunha ferramenta útil a través da que poidamos, repasar, formarnos e aprender cousas novas.


Nesta ocasión presentamos o 1º vídeo-titorial da serie "Música Mestre", no que daremos un breve repaso aos conceptos máis básicos da linguaxe musical.


Disfrutade co vídeo e ..., a aprender!!!

"Loopeando" co Garage Band

  Quen dixo que na clase de música  só se traballaba coa flauta? Nesta reportaxe, redactada por Adrián Gómez de 5º de Primaria, colaborador da Aula i9 e xornalista aficcionado; veremos como é posible facer música empregando só un ordenador e os chamados "loops". E é que en Crecente tentamos estar á última, tecnolóxicamente falando. Non sempre é posible debido ás nosas limitacións económicas; pero, como podedes comprobar neste blogue, cun pouco de vontade, traballo e confianza, pódense facer cousas marabillosas. 



 Neste caso aprendemos a empregar básicamente o programa Garage Band, software de grabación, que forma parte do paquete Ilife, que ven por defecto con tódolos Mac. Este programa ten unha función moi interesante para traballar con "loops", que son ostinatos musicais, previamente grabados, e que se van combinando para formar unha canción. Este é un método moi empregado na música electrónica, e permitiu ao nos@s nen@s experimentar con formas diferentes de facer música. 
Ademáis aprenderon unha serie de conceptos moi empregados na actualidade como "mutear", ou silenciar unha pista; "solear" ou deixar soando unha soa pista; "sincronizar" os distintos "loops", para o que se precisa levar ben o ritmo, afianzando o "pulso interior". E por suposto, sen esquencer o compoñente estético e creativo, xa que cada nen@ combinou as distintas pistas como lle "pedía o corpo", creando o seu propio tema.
Como podedes ver, o proxecto resulta moi interesante e divertido; e forma parte das iniciativas que está a levar a cabo a Aula i9, co obxectivo de motivar a estas novas xeracións cara o estudio das diversas vertentes da Música, como profesión ou como unha das mellores e máis  gratificantes aficcións.


 Ademáis presentamos un vídeo explicación que inaugura unha nova serie de titoriais das "Clases Online" da Aula i9, á que chamamos "Coa computadora, sí que mola"; adicada a coñecer as funcións básicas de determinados programas e software informático de edición de voz, texto, vídeo, etc, que estamos a empregar na nosa vida diaria, sobretodo na elaboración dos diversos contidos que ilustran este blogue. É dicir, que vos imos a contar os trucos que empregamos para facer, por exemplo, os vídeos que acompañan os "post" ou reportaxes; as grabacións que aparecen nos nosos discos; etc. Neste primeiro capítulo, e como xa indicamos antes, aprendemos a manexar o Garage Band para insertar loops, duplicalos e sincronizalos, "soltalos" e "mutealos", etc. Lembrar só que, á hora de facer estes titoriais empregamos o programa "Camtasia studio" que permite grabar todo o que facemos e aparece  na nosa pantalla, e o son que recibe o micro da computadora. É un software moi útil para explicar conceptos teóricos, facer correcións, etc; e o imos a empregar en máis dun titorial. 

Disfrutade coa crónica de Adrián, ó que temos que felicitar polo seu traballo e compromiso con este proxecto; e cos vídeos onde poderedes ver en acción aos nos@s pequen@s Dj´s de 5º e 2º de Primaria.

      
 "Ese día o profe Carlos levounos a aula multiusos á pizarra dixital;   enchufou o ordenador, e fumos por turnos, coñecendo o progama Garage Band, e sobretodo, como manexar “ loops” que son fragmentos musicais de diversos instrumentos, previamente gravados, e que nós íamos activando ou desactivando.

Os loops cos que “xogamos” tiñan distinto timbre: baixo, guitarra, batería….e o profe ensinounos a “mutear” unha pista (quitarlle o volume); a facer que soe ela soa; combinar diversas pistas ou sons , etc.

Todos o fixemos moi ben e tivemos a oportunidade de gravar as nosas sesións como se fósemos uns  auténticos Dj’s. Gustounos moito a experiencia; e pasámolo moi ben."

                                                      Adrián Gómez

5º  Primaria

Guía da canción do entroido

Polo entroido, ademáis de disfraces e sobremesas, hai algo que nunca falta no Ceip Manuel Sieiro: a música. Xa son varios anos que levamos entoando os "great hits" do entroido ao máis puro estilo "charangueiro". E, este curso, queremos dar un paso máis e preparar un tema mellor, non só para cantar e pasalo ben o día da festa; senon tamén para incluilo no noso 2º disco, que como sabedes, xa comezamos a grabar.
O tema elexido para a ocasión é o mundialmente coñecido "La vida es carnaval" da nosa querida "raíña da salsa" Celia Cruz, muller que amosou ó mundo que a música non ten idade.

E como non podía ser doutro modo, ahí vos deixamos a guía da canción, para que poidades repasar na casa e afianzar ben as partes e o ritmo.


Esta guía está elaborada integramente pola Aula i9 e nun tempo record (dous días), polo que pedimos perdón de antemán polos posibles erros de grabación que escoitedes; e polo son das supostas "trompetas", xa que son os únicos samples dos que dispoñemos. 


Ademáis, para saber onde meter as flautas, vale ben, jeje.


Disfrutade da guía, que poderedes escoitar pinchando no enlace do Dropbox; e... a estudiar !!!

La vida es Carnaval - guía mp3

Un paseo pola escola de música "Estudio"

Con esta reportaxe inauguramos unha nova etiqueta á que chamaremos "Ollos Amigos", adicada a todas aquelas páxinas e sitios web, pertencentes a agrupacións, escolas, compañeiros de profesión, etc; que seguimos dende este blog e que consideramos que sería bo que coñecérades, ou polo menos, que  visitárades. Estas reportaxes, polo tanto, non só están dirixidas aos nenos e nenas, senon tamén ás súas familias, xa que pretende servir como guía ou orientación sobre lugares, web ou reais que poden aportar algo, moito ou poco, á formación dos seus fillos e fillas.  Estos enlaces xa os temos na nosa sección "Tamén podedes visitar..." (columna da dereita) que pasará a levar o mesmo nome que a etiqueta: "Ollos Amigos"

    Comezamos facendo un breve percorrido pola que, creemos que, é a mellor escola de música de Galicia. Trátase da famosa "Estudio", tamén coñecida popularmente como a "escola de jazz" de Santiago de Compostela; aínda que non só está especializada neste estilo músical. Nela, rapaces e rapazas de todas as idades e dende ben pequeniños, reciben unha formación moi completa e actualizada en moitos dos diversos campos da Música (composición, instrumento, canto, improvisación, informática musical avanzada, etc) E por suposto seguindo un plan de estudos moi ben estructurado, como podedes ver no seguinte organigrama.

















 E por suposto, que decir da calidade dos profesores e profesoras que imparten neste centro, a maioría cunha experiencia no mundo da música de primero nivel (Alberto Cereijo; Ivan Salgado; Suso Atanes; Harry C. etc) Sen esquencer as "Master Class" que organizan e nas que contan con profesionais musicais de 1ª división. Así próximamente impartirá un pequeno curso  Victor Prieto, ourensán afincado en Nova York, considerado como un dos mellores acordeonistas jazz destes tempos. 



Ademáis, e por si fora pouco, contan cun "Departamento de Aprendizaje Online" (DAO), que permite aos alumnos e alumnas resolver dúbidas, correxir exercicios, recibir leccións, etc, vía Internet, con todas as ventaxas que elo supón.

 



Os resultados de tan bo traballo lévanse vendo dende fai 25 anos, xa que grandes músicos e artistas do panorama galego e internacional actual comezaron os seus estudos e adquiriron gran parte da súa formación na escola de música "Estudio". Sen esquencer a todos aqueles "cracks" en potencia que, esperamos sigan a sair deste centro ano tras ano.

Quen dixo que para ser músico só se podía estudar no conservatorio? 


A escola "Estudio", na nosa opinión persoal, ofrece unha formación moi completa, amena, moderna e sobretodo,  adaptada ás necesidades reais dos músicos actuais.


http://www.escola-estudio.com/

E próximamente, en "Ollos Amigos", non vos perdades a reportaxe que lle faremos ao blog "As Andurinhas do val", da nosa querida mestra de infantil, Patricia Doval; no que regularmente podemos ver as actividades e traballos dos nos@s peques. 
Non vola podedes perder!!!

http://asandurinhasdoval.blogspot.com/

Comezamos as grabacións do noso segundo disco

 Esta semana os rapaces e rapazas do 3º Ciclo de Primaria do Ceip Manuel Sieiro comezaron coas grabacións do que será o segundo disco da Aula i9.

   Sí, o segundo, pois o curso pasado xa levaramos a cabo esta actividade, aínda que con menos material. O resultado foi un cd de catro temas, ao que chamamos "Botalle unha ollada", que permitiu ós nosos nenos e nenas vivir a experiencia real do que supón grabar un disco: estudiar os temas, aprender a tocar e cantar con claqueta, coñecer nocións básicas de acústica, así como os elementos e programas que se empregan nun estudio; etc. Nesa ocasión os nosos recursos eran un pouco limitados xa que o micro polo que recollimos o son era un Shure sm 58, que é un micro para cantar, non para grabar; e o secuenciador que empregamos e que os rapaces e rapazas aprenderon a usar foi o Garage Band, programa que, a pesar da súa calidade,comparable á do "Reason" ou á do "Nuendo", non deixa de ser bastante "amateur". Por suposto o disco tivo unha moi boa acollida na comunidade escolar (pais, nais e demáis familiares). Ademáis nesa ocasión contamos coa colaboración dunha artista recoñecida como é Eva Carreras, concursante de OT3 e actual cantante do grupo folk Mel de Meiga. Todo un luxo!!

Este ano modernizámonos e sustituímos o Shure por un SE Electronics, micro omnidireccional propio de estudio, que nos permitirá grabar cunha maior calidade.

Ademáis estamos traballando cun dos programas máis empregados no mundo das grabacións profesionais, o mundialmente coñecido PROTOOLS; así como unha tarxeta de son, a MBox 2 mini, que permite unha conversión do son analóxico a dixital (de ondas sonoras a datos informáticos) moi aceptable.

Por suposto, esto non sería tan sinxelo sen a tecnoloxía de Apple; xa que para estos traballos de audio e video (os que acompañan as reportaxes) empregamos un MacBook Pro. Ahí está realmente o truco. Sentimos se este comentario ofende a alguén. Non queremos facer publicidade, nin somos fanáticos seguidores de Steve Jobs;  apoiamos o uso do software ceibe;..., pero esta é a nosa conclusión basada en experiencias con diversos sistemas operativos (Windows, Linnux). Onde estea o Snow Leopard de Apple....

Ademáis e como podedes comprobar nas guías de Whatever, que foron grabadas pola Aula i9, comezamos tamén a dominar o uso do MIDI e de Samples o que nos permite poder imitar e meter instrumentos moi diversos nas nosas grabacións (baterías, cordas, ventos,...), gracias a un controlador con forma de teclado e a unha serie de librerías de samples e loops. Parece última tecnoloxía, pero en realidade é un sistema que xa se leva empregando dende os 80.

Como vedes, este ano contamos cos recursos para que este segundo disco sexa, polo menos, tan bo como o primeiro. A nosa intención é grabar algún tema máis que os catro do primeiro cd. Haber que pasa!!!

Por suposto, o máis importante é a experiencia e formación que reciben os nosos alumnos e alumnas, os cales teñen a oportunidade de aprender uns coñecementos sobre técnica do son e informática musical que non teñen prezo. Quizáis, nun futuro teñamos algún ou algunha enxeñeiro/a acústico ou técnico/a de son.
A nivel didáctico-musical, este tipo de iniciativas son altamente motivantes e permiten aos rapaces e rapazas afianzar o sentido rítmico-melódico, adquirir coñecementos de armonía, forma e estructura musical, etc; e por enriba de todo, sentirse parte dun grupo no que cada membro ten a responsabilidade de facer o seu papel o mellor posible.

Deixámosvos os enlaces ao noso Dropbox de todos os temas que levamos grabados, tanto os que forman "Botalle unha ollada"; como as guías de este ano, para que poidades repasar. Estas pistas e links quedan á vosa disposición ademáis, na nosa nova páxina "As nosas cancións", que atoparedes na columna da esquerda, arriba de todo.

"Botalle unha ollada"

1.- O son do Ar

2.- Muiñeira Mazaricos

3.- Nadal de Luintra (ft. Eva Carreras)

4.- Hey Jude 

"Guías de grabación deste ano"

1.- Vente con Nós

2.- O aguinaldo

3.- Whatever (con flautas e melodías de voz)

4.- Whatever (sen flautas nin melodía de voz)

Ademáis, ahí vos queda este video con algúns dos mellores momentos da primeira sesión de grabación, con explicación incluída!!!

A disfrutar!!!!

Guía da canción do Día da Paz

Aquí vos deixamos a guía do tema Whatever, da banda británica Oasis, e que imos a versionar para conmemorar o Día da Paz. Esta guía foi grabada integramente pola Aula i9. Para elo investigamos no universo MIDI e nas posibilidades que permite o emprego de "samples" e "loops" para poder presentarvos unhas guías cada vez máis elaboradas.  Así podedes comprobar que tanto a batería como as cordas ou o rodhes que se emprega para a melodía de voz, están "sampleados". 
E é que, pouco a pouco, o noso estudio de grabación vai crecendo e facéndose cada vez máis sofisticado, dentro das nosas limitacións, claro está.


Ademáis aproveitamos para probar outra aplicación que nos permitirá achegarvos arquivos como cancións, videos, documentos de texto, partituras, con só facer click nun enlace. Trátase de Dropbox, e aquí abaixo, deixamovos o enlace á canción.







Whatever.mp3

3ª PARTE DO TITORIAL "MUIÑEIRA DE NADAL"

Con este video poñemos punto final á serie de titoriais adicados á nosa Muiñeira de Nadal. 

Neste caso, o profe Carlos mostra unha forma rápida e sinxela de acompañar a muiñeira cun  instrumento de percusión: a darbuka. 









Ademáis repasamos os distintos arranxos que leva a nosa peza. Para elo, o profe contou coa axuda dos colaboradores da Aulai9.

Mentres Andrea G, Andrea I, Nadia, Adrián e Gonzalo encargábanse dos instrumentos; Suso Ferreira grababa, camara en man, os mellores momentos.






Pero tranquilos, porque, aínda que este video remata unha serie, as "Clases online da Aulai9" seguen en marcha. En breve poderemos ver máis titoriais das pezas que traballemos, así como de teoría musicail, instrumentos, etc. Ah, e próximamente, Uxía Fariña nos ensinará como iniciarnos no seu instrumento: o tamboril. Estade atentos os trailers!!!


E agora a aprender moito co video-titorial, que xa sabedes, quedará colgado na sección "Clases Online", tanto do blog como do Myspace. A disfrutar!!!