PRESENTAMOS O NOSO "CLUBE DE LECTURA "

Este ano, aproveitando o gran talento co que contamos no Ceip Manuel Sieiro, puxemos en marcha unha iniciativa para traballar e mellorar a nosa forma de expresarnos:
 O Clube de Lectura do Aula i9

 Neste clube, no que poden participar todos os nenos e nenas do centro, traballaremos os contidos relacionados coa lectoescritura a través da elaboración de contos, poemas, relatos, etc; que posteriormente empregaremos para facer diferentes proxectos multimedia, como audiolibros, contos con imaxes, etc.

Pero ademáis temos pensado facer unha serie de programas de vídeo nos que trataremos temas relacionados co mundo da Literatura e o Cómic, ademáis de presentar os nosos traballos; ofrecer críticas e recomendacións de libros,...

Polo de pronto deixámosvos o noso primeiro traballo: unha serie de contos e aventuras sobre os personaxes de Cervantes, Don Quixote e Sancho Panza, creados e grabados polos rapaces e rapazas de 6º de Primaria. 

LAS AVENTURAS Y DESVENTURAS DE DON QUIJOTE Y SANCHO

HISTORIAS INÉDITAS

1.- Introducción / El carro (David B. Sarabia)

2.- Los Molinos (Cristian Gesteira)

3.- La Aventura con las Ovejas (Pablo Pereira)

4.- El Lago (Eli Fontán)

5.- Don Quijote en el Desierto del Sahara (Sofía Faílde)

6.- El Sueño de Don Quijote (Suso Ferreira)

7.- Los Dragones en la Ciudad de los Ladrones (Alex Álvarez)

8.- Viaje a la India (Gonzalo Gil)

9.- La Fuente de la Juventud (Adrián Gomez)

AUDIOLIBRO COMPLETO

MAGOSTO 2012

O pasado martes 13 de novembro, celebramos o magosto aquí no CEIP Manuel Sieiro.

A festa comezou xa de maña cando os alumnos do Aula I9 (6º de E.P) asamos as castañas e fixemos os cucuruchos para enchelos cunha presa delas. 

 Despois de comer seguimos traballando duramente en quendas para asar os “milleiros” de castañas que puideron degustar todos os nenos e e nenas do cole. A festa estivo amenizada con musica tradicional que meteu o baile no corpo aos asistentes.

Ó final, tocaba limpar para poder deixar todo como o atopamos, como ten que ser!!!!

Disfrutade coas fotos e ata o ano que ven!!

Suso Ferreira
    Aula i9

Samaín 2012

 Xa está de volta unha das nosas festas máis queridas: o Samaín.
Este ano tivemos actividades do máis diversas, aínda que podemos destacar dúas:

-por outra banda, todos os rapaces e rapazas do centro redactaron, como auténticos escritores, unhas lendas sobre esta festa. Esta actividade foi coordinada polos nosos amigos de Os ollos do Minho Dinamizacións. Aquí vos queda o link no que poderedes ver as obras dos nosos pequenos narradores.

LENDAS DO SAMAIN 2012

-por un lado, a nosa tradicional Expocabaza, na que os nosos nenos e nenas amosaron unha gran creatividade. Este ano premiase á cabaza máis divertida; cal será????

Ademáis, o grupo de teatro do Ceip Manuel Sieiro, dirixido maxistralmente pola nosa querida colaboradora Patricia Claro,  representou a obra "El caserón del terror"; na que os nosos pequenos actores e actrices metéronnos o medo no corpo... E é que máis de un e de unha merecían un Oscar. A verdade é que estes rapaces o fan cada vez mellor, polo que recomendamos esta actividade, como unha parte divertida e moi importante dentro da educación dos nosos nenos e nenas.

Esperamos que vos gusten todas as reportaxes que vos ofrecemos e que sigades regularmente o noso blogue. A disfrutar!!!!!!

Os ollos do Minho Producións

     

XA ESTAMOS DE VOLTA!!!!

Hola a todos e a todas.

Despois dun longo verán Os Ollos do Minho Producións volve a funcionar  a tope. Os alumnos da Aula i9 e do Ceip Manuel Sieiro xa estan preparando novos proxectos e actividades interesantes que poder compartir con todos vós.
Ainda que sera complicado tentaremos superar o gran nivel alcanzado o ano pasado. E iso non vai a ser doado xa que, se lembrades,no blogue temos proxectos de moita calidade,coma os experimentos,os documentais, as clases online ,os discos, etc.
Neste curso 2012/2013, temos pensado poñer en marcha o noso propio programa de radio no que teremos,entre outras cousa, entrevistas, musica, artistas invitados,..., asi como un gran numero de seccions (ciencia, literatura, deportes, etc); nas que os rapacese rapazas da Aula i9  amosaran que apesar da sua xuventude teñen moito que decir.
Ademais tamen  seguiremos colgando as  diversas actividades e festivais que realicen no cole a longo do ano.
E polo de agora nada mais, so dicirvos q estamos moi entusiasmados e motivados con este proxecto  e volo imos a demostrar.

Sofia Faílde e Suso Ferreira.

Aula i9.

                                                 

GALA FIN DE CURSO

Xa chegamos ao final do curso, non sin antes despedirnos ao grande. Nesta ocasión organizamos un gran festiva,l o último día de clase, pola tarde.
Como xa fixeramos polo Nadal, empregamos o novo formato "Gala"; e, así, fomos lembrando todos os bos momentos que tivemos este ano alternando, eso sí, todo tipo de actuacións e exhibicións a cargo dos nosos nenos e nenas.
Ademáis aproveitamos para presentar a nosa derradeira creación deste curso: un DVD no que recopilamos unha parte das actividades que organizou este ano a productora. Navegando polos menús e submenús podemos disfrutar dos mellores vídeos, fotos, trailers, tutoriais, etc; que realizamos este curso, e que, por suposto xa están colgados no blogue que estas a visitar.

Na gala tivemos de todo: cancións, playbakcs,..., e moitos vídeos. Debemos destacar ao grupo de teatro que, baixo a dirección da representante do Anpa, Patricia Claro, representou con gran acerto "A verdadeira historia da Carrapuchiña Vermella". Que gran canteira de actores e actrices temos en Crecente...


De seguido puidemos disfrutar dunha impresionante exhibición a cargo do equipo de Kung - Fu; outra das actividades extraescolares que máis aceptación ten, xunto coa de teatro; e que esperemos que continúen en anos vindeiros.


Pero é que ademáis tivemos música. Os nosos nenos e nenas do Aula i9 ofrecéronnos unha serie de actuacións en directo que remataron cun concerto moi especial xa que, por unha banda, tivemos ocasión de disfrutar coa música tradicional de Uxía e Ismael Fariña, que nos sorprenderon cun pequeno concerto folk; e por outra banda, tivemos a actuación do dúo orensán "Los Amigos de lo Ajeno"; que, xunto aos rapaces do Aula i9 puxeron a guinda final a un gran festival, cantando el tema "La vida es Carnaval", que forma parte do noso segundo disco. De feito contamos coa presenza de Lorena Sotelo, que se achegou ao cole para poder estrenar este tema xunto aos nosos rapaces e rapazas. Por iso e máis, dende aquí queremos darlle as grazas e mandarlle un bico moi forte, con todo o cariño dos que vivimos o día a día no Ceip Manuel Sieiro


Disfrutade cos vídeos de distintos momentos da Gala, e a descansar, que este ano sí que o merecemos todos e todas.

CANTA CON NÓS!!!

Este é o título que decidimos porlle ao último disco da Aula i9; e que representa o último gran proxecto da nosa productora "Os Ollos do Minho"para este curso escolar; e que vos presentamos na seguinte reportaxe.







Foron moitos meses de duro traballo dende que comezamos as grabacións, ala polo mes de Xaneiro. Elexir o repertotio, estudiar todas as melodías e despois grabalas por partes, dun en un; como calqueira grupo profesional. Aínda que os instrumentos máis complexos, como a guitarra, o baixo ou o violín, correron a cargo do mestre de música; os nosos nenos e nenas (de 1º a 6º) grabaron maxistralmente todas as frautas; os carillóns, xilófonos e metalófonos; e gran parte dos instrumentos de percusión; ademáis, por suposto, das voces e coros.





Este ano, como novidade, traballamos cun software profesional: o famoso Protools, empregado por estudios de todo o mundo. Ademáis os colaboradores do Aula i9 atrevéronse a controlar este programa, e así puideron grabar eles mesmos aos seus propios compañeiros; e adquiriron uns coñecementos e experiencias nunha profesión tan bonita como é a de técnico de son. 


Este ano contamos con dúas colaboradoras moi especiais. Por un lado está a voz de Lorena Sotelo, cantante do grupo punk-ska ourensano Maskarpone; e por outro lado, contamos coas percusións de Lorena Negreira, baterista do grupo folk Ergom; e mestra deste centro durante unhas semanas. Estas dúas artístas únense ao grupo de colaboradores da Aula i9, xunto a outras estrelas como Eva Carreras, líder do grupo folk Mel de Meiga, que colaborou no noso primeiro disco (escoitao na sección "As nosas Cancións"); ou José Rubio, considerado un dos mellores guitarristas de España, que se prestou a facer, no noso cole, unha Master Class sobre Rock. A todos eles, mil gracias.


Ademáis das seis cancións, ás que podedes acceder pinchando no enlace; tamén acompañamos a reportaxe cun pase de diapositivas no que se recollen as mellores fotos e os mellores momentos que vivimos durante as grabacións.




Esperamos que disfrutedes do resultado final.

CANTA CON NÓS!!!

1.- La vida es carnaval 


2.- A Sementeira


3.- Muiñeira ao Chou


4.- Cantade mociños


5.- O Carrapuchiño


6.- Whatever

OS DOCUMENTAIS DO AULA i9: ÚLTIMA ENTREGA!!!

Xa imos chegando ao final deste curso 2011/2012, e temos que apurar para poder publicar os nosos últimos proxectos. E con este post poñemos o punto final a un dos nosos traballos máis ambiciosos: os Documentais da Aula i9.

Despois de meses de duro traballo, por fin  publicamos os dous vídeos que quedan, "Os Artrópodos" e "Os Mamíferos"; e un "Making of..." cos mellores momentos que tivo este proxecto.

Ademáis debemos lembrar que os documentais, xunto aos experimentos formaran parte dun DVD ao que chamamos "Un chisco de ciencia"; e que nos servirá nun futuro para poder apoiar o aprendizaxe destes contidos. E empregando uns recursos totalmente producidos polo Aula i9, dende as imaxes e vídeos, ata a música que acompaña os menús. 

 Esperamos que disfrutedes cos vídeos e que os documentais vos serviran para coñecer un pouco mellor aos distintos tipos de animais que convivimos neste planeta.

Excursión de 3º Ciclo: "de museos por A Coruña"

Este ano, os rapaces e rapazas de 3º Ciclo de Primaria traballaron moi duro. Ademáis das tarefas escolares  obligatoria; tamén realizaron moitos proxectos como parte da Aula i9, e que dan vida aos "post" que forman o blog (Experimentos, Documentais, grabacións, vídeos, etc) Por suposto, estos traballos, que teñen un nivel moi aceptable, levan moito tempo; polo que foi preciso empregar moitos momentos de lecer, como os recreos. Lonxe de protestar, estes voluntarios sempre se mostraron dispostos e moi participativos á hora de traballar para a "productora".

Por iso merecían unha recompensa a tanto esforzo. E aproveitando que este ano levamos a cabo dous proxectos científicos moi interesantes, os "Experimentos" e os "Documentais"; que mellor recompensa que rematar o curso visitando dous dos máis importantes museos de Galicia: a "Casa das Ciencias" e o "Aquarium Finisterrae", ambos na cidade de A Coruña.

Pola mañá tocounos disfrutar cos experimentos e exposicións da famosa "Casa das Ciencias", un museo adicado moi interactivo, no que os nosos nenos e nenas puideron entrar en contacto directo coa Ciencia. Rematamos a visita cunha sesión no planetario que teñen no último piso do museo. Toda unha experiencia!!!!

Pola tarde foi o turno do Aquarium Finisterrae, no que puidemos poñer en práctica todos os coñecementos que aprendimos nos "Documentais da Aula i9". Así, tivemos ocasión de ver en directo moitos dos animais dos que falamos nos nosos vídeos; sobretodo peixes e outras especies mariñas (estrelas de mar, medusas, corais, etc.) Rematamos a visita (guiada, por suposto) vendo como comían as focas; e o gran tiburón toro, ao que chaman Gastón.  

Disfrutade co vídeo!!!

Outra tanda de Documentais

Aquí vos vai outras entregas dos nosos "Documentais da Aula i9". Como son varias as especies das que hai que falar, iremos misturando as reportaxes de forma que en todos os vídeos aparezan, polo menos, un documental de invertebrados e outro de vertebrados; agás os artrópodos e mamíferos  que irán no seguinte post, xunto ao "Making of..."


Debemos resaltar que este proxecto é moi completo e complexo, pois incluíu o desenvolvemento e reforzo de moitas habilidades e destrezas que os nosos nenos e nenas deben traballar a diario (aínda que así é máis divertido); como a lectura, a memorización ou a redacción (dos guións, claro). Ademáis permitiulles acceder a unha serie de coñecementos sobre imaxe e son; fotografía; etc; que normalmente está fora do alcance destas idades. Nestes documentais, os alumnos e alumnas de 5º de Primaria no só recolleron a información; senon que aprenderon a estructurala e convertila en guións; grabaron ditos guións, tanto como "dobladores"; como técnicos de son; prepararon os decorados; e grabaron as imaxes e presentacións que acompañan aos vídeos. De feito, algúns xa se atreveron a editar as imaxes e realizar os vídeos, por sí mesmos.


O resultado, en parte o podedes ver hoxe. E digo en parte porque todo este contido e moito máis pasará a formar parte do noso propio centro de recursos, en formato dvd, con sus menús, capítulos e extras; ao profesional. Esperemos que non sexa o derradeiro.


E nada máis. Disfrutade cos vídeos de hoxe; e vémonos na seguinte entrega dos "Documentais da Aula i9"



 

Os Documentais da Aula i9

     Menos  mal; tras unha longa espera, por  fin  chegaron os Documentais  da Aula i9.

 Este  proxecto  levounos  moito tempo e  esforzo ; pero xa  o temos  rematado . O traballo  foi  realizado integramente polos  rapaces  e  rapazas  de 5º de  primaria, dende conseguir a información, ata grabar os guións, conseguir e editar as imaxes, etc. 

Vemos pois que este proxecto dividiuse en diversas  fases de traballo:

a.-  Na  primeira  fase  recollemos  información  na  biblioteca  a través  dos  libros  e enciclopedias  de  animais dos  que  dispoñemos. 

b.- Na segunda fase descargamos as imaxes libres que necesitabamos.  Temos que dicir que costounos bastante encontrar as imaxes polos dereitos de autor e tiñamos que buscar páxinas especiais.

          

c.- Na terceira fase realizamos os guións en grupos de dous. Tivemos que traballar moi coordinados para estructurar ben a información e así poder crear uns bos guións.

d.- Na cuarta fase grabamos os guions cun programa chamado ProTools que é o que usan alguns músicos para compoñer os seus temas. Ademáis grabamos as imaxes e presentacións que precisamos.

 e.- E por ultimo e non menos importante editamos os vídeos cuns programas chamados Imovie e Iphoto grazas a eles e a o noso profe aprendimos a facer pequenos videos e  pelis caseiras. 

Foi unha experiencia inovidable a través da cal conseguimos aprender conceptos cientificos de moito nivel; moi facilmente e de forma moi entretida, máis como se estiveramos nun plató de cine que nunha clase. 

Esta é a primeira dunha serie de reportaxes ou post que trataran sobre este tema; e nos que iremos presentando os distintos documentais, alternando as diversas especies de invertebrados e vertebrados.

Nesta ocasión realizamos unha pequena introducción ao tema; así como incluimos o primeiro documental, que tratará sobre os animais máis antigos da Terra: as Esponxas.

Esperamos que vos guste e que aprendades e disfrutedes tanto como nós !!!!!

Adrián, Sofía, Pablo e Elizabeth

5º de Primaria 

O ladrón de tartas

Ese é o título do proxecto que preparamos no Ceip Manuel Sieiro para festexar o "Día do Libro". Un conto que viaxou por tódalas aulas do centro. Así todos os nenos e nenas puideron aportar a súa parte da historia, que comezou na clase de tres-catro anos; e rematou co final inesperado creado polos rapaces e rapazas de sexto.
O día da celebración, representantes de cada aula leron a súa parte correspondente mentres podíamos ver proxectados os debuxos que se fixeron para ilustrar cada parte do conto.


Ademáis os rapaces do PROA ofrecéronnos unha lectura diferente e divertida dun pasaxe do "Quixote"; e que esperamos poder ofrecervos nunha próxima reportaxe.








Agora podedes disfrutar coa historia, "O ladrón de tartas"  

APRENDEMOS A TOCAR O TAMBORIL CON UXÍA FARIÑA

Presentamos unha nova entrega das "Clases online da Aula i9".
Neste caso a nosa colaboradora, Uxía Fariña, ensínanos as primeiras leccións para comezar a tocar un instrumento tradicional da nosa terra: o tamboril.
Non vos perdades a soltura e naturalidade da que esperemos chegue a ser unha gran artista.

CRECENTE SOLIDARIO

Un dos valores máis importantes que se deben aprender na escola e na vida en xeral é a solidaridade cos demáis, cos que menos teñen ou cos que precisan a nosa axuda. A educación non podería entenderse sen este principio que, xunto ao respeto e a tolerancia forman os pilares básicos que deberían soster a nosa sociedade. 


No Ceip Manuel Sieiro eses principios son fundamentais; e por iso unímonos a unha fermosa iniciativa  que leva dado moi  bos froitos nos últimos anos: "Os tapóns solidarios"


Para quen todavía no o saiba, este proxecto consiste en recoller todos aqueles tapóns de plástico de botellas, envases de deterxentes, botes, etc, que se amontonan nas nosas casas, co fin de xuntar toneladas que poder cambiar por cartos. E é que este tipo de plástico no está reciclado polo que ten máis valor no mercado xa que se pode reciclar máis veces.

Neste caso, nós xuntaremos tódolos tapóns que poidamos para axudar a unha neniña chamada Sheila, e aos seus pais. 


Así que xa sabedes, achegade todos os tapóns que poidades xuntar ao cole. 


A solidaridade amósase en momentos como estes.

 Entre todos, podemos!!! 

Os Experimentos da Aula i9

Por fin, xa chegou unha das reportaxes máis esperadas por "Os Ollos do Minho Producións"!!!!
Un dos traballos da Aula i9 máis "currados"!!!
Un proxecto que nos permite achegarnos máis ao fantástico mundo da Ciencia!!!
Estamos a falar, por suposto, dos 
"Experimentos da Aula i9".

Neste primeiro capítulo tratamos de comprender e demostrar o principio máis coñecido dun dos matemáticos máis famosos da antigua Grecia; Arquímedes, e as súas teorías sobre a flotación e a hidrostática. Ese que dicía: cando un corpo se sumerxe nun líquido, experimenta un empuxe en vertical e cara arriba equivalente o peso do líquido desaloxado. 

 Este principio explica, entre outras cousas, porqué flotan algúns obxectos, como un barco; e outros non. A explicación é moi sinxela e a podedes ver na pequena animación que preparamos e que forma parte do vídeo principal. Nel, ademáis disfrutaredes de varios experimentos que preparamos e grabamos, como se dun documental se tratara, para poder explicar este principio.

Pero antes de nada, debemos explicar mínimamente a parte pedagóxica do proxecto. Por suposto, os obxectivos fundamentais que perseguimos, poden simplificarse nos seguintes:
-Achegar aos nosos nenos e nenas ao maravilloso mundo da Ciencia, facilitando a adquisión e comprensión de conceptos, teoremas, fórmulas e principios básicos que conforman esta disciplina; así como as ferramentas e actitudes presentes na investigación e pensamento científicos.
 -Empregar as novas tecnoloxías (TIC´s) na elaboración e difusión dos noso propios materiais didácticos. 


E é que tedes que saber que este tipo de proxectos levan moito traballo e tempo, así como unha gran planificación das diferentes actividades que realizamos para conseguir o vídeo final: elaboración dos decorados e dos guións dos nos@s presentador@s; elaborar, grabar e doblar as animacións; realizar os experimentos; sesións de grabacións e rodaxe; etc.


Para elo, a Aula i9 conta cun gran número de colaboradores e colaboradoras, que traballan duro, moitas veces con conceptos e ferramentas novas para eles, para poder achegarvos as reportaxes que conforman este blog. Falamos de rapaces e rapazas que están aprendendo como facer guións; como e cando grabar as mellores tomas; como editar son e imaxe; etc. Sen esquencer os contidos das asignaturas que traballamos; así como valores tan fundamentáis como o respeto, a cooperación ou o traballo en equipo.

Xa vedes que a nivel didáctico imos sobrados.

Ademáis desta vez quixemos mostrarvos como facemos todo. Por iso, ademáis do vídeo principal, fixemos un "making of" coas distintas fases dos proxecto e as mellores tomas falsas; e que quedarán á vosa disposición no apartado e etiqueta "Un chisco de ciencia"; e por suposto, na nosa canle de YouTube, xunto co resto dos vídeos.